Wicara Ingkang Sae Utawi Mendel

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ
يَاأَيّهَا النَاسُ اتّقُوْا رَبّكُمُ الّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثّ مِنْهُمَا رِجَالاً كَثِيْرًا وَنِسَاءً وَاتّقُوا اللهَ الَذِي تَسَاءَلُوْنَ بِهِ وَاْلأَرْحَام َ إِنّ اللهَ كَانَ عَلَيْكُمْ رَقِيْبًا
يَاأَيّهَا الّذِيْنَ آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا، أَمّا بَعْدُ …
فَأِنّ أَصْدَقَ الْحَدِيْثِ كِتَابُ اللهِ، وَخَيْرَ الْهَدْىِ هَدْىُ مُحَمّدٍ صَلّى الله عَلَيْهِ وَسَلّمَ، وَشَرّ اْلأُمُوْرِ مُحْدَثَاتُهَا، وَكُلّ مُحْدَثَةٍ بِدْعَةٌ وَكُلّ بِدْعَةٍ ضَلاَلَةً، وَكُلّ ضَلاَلَةِ فِي النّارِ.

Jamaah Jumat Rahimakumullah

Allah SWT tansah ndhawuhaken supados kita dados kawulanipun Alloh ingkang saged manggih kamulyan ing donya lan akherat, kanthi cara mituhu tho’at lan midherek kanthi ikhlas pitedah sarta tata-cara agami Islam , ingkang sedaya menika wau mujudaken rahmat tumrap kita sedaya.

Kelebet tandha yekti rahmatipun Alloh salebetipun agami Islam inggih menika wasiat rasulullah saw. ing ndalem sunnahipun ing prekawis njagi lesan (tutuk). Nabi saw ngendika :

مَنْ كَانَ يُؤْمِنُ بِاللهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ.

“Sing sapa iman marang Alloh lan Dina Akhir, mula samesthine dheweke wicara kang becik utawa meneng” (HR. al-Bukhari lan Muslim saking sahabat Abu Hurairah)

Jamaa’ah Jum’at Rahimakumullah

Wasiat Rasulullah saw wau nedahaken semanten pentingipun lisan. Kanthi lisanipun manungsa saged nggayuh derajat ingkang inggil, malah nampi nugraha ingkang agung ing ngarsanipun Alloh. Nanging kosok wangsulipun, krana lisan ugi manungsa saged kejlungup ing juranging kanisthan ingkang salebet-lebetipun. Nabi saw ngendika :

إِنَّ الْعَبْدَ لَيَتَكَلَّمُ بِالْكَلِمَةِ مِنْ رِضْوَانِ اللهِ لاَ يُلْقِي لَهَا بَالاً، يَرْفَعُ اللهُ بِهَا دَرَجَاتٍ، وَإِنَّ الْعَبْدَ لَيَتَكَلَّمُ بِالْكَلِمَةِ مِنْ سَخَطِ اللهِ لاَ يُلْقِي لَهَا بَالاً يَهْوِي بِهَا فِي جَهَنَّمَ.

‘Satemene saweneh wong ngucap kalimah kang dadi ridhane Alloh, kang ora digatekake, nanging Alloh njunjung krana kalimah iku sawetara derajat, lan satemene saweneh wong ngucap tembung kang gawe dukane Alloh kang ora digatekake, nganti Alloh nguncalake dheweke jalaran tembung iku ing jroning neraka Jahanam (HR al-Bukhari)

Jama’ah ingkang minulya

Mekaten kekiyataning lisan ing ndalem nentokaken kawilujenganing sawenehing kawula. Salajengipun mangga kita ngangen-angen, kados pundi kita secara pribadi-pribadi, utawi kelompok masyarakat, kuwawa ngginakaken kekiyatan lisan kita kangge nggayuh tataran ingkang inggil , derajat ingkang pinuji, dumuginipun martabat ingkang minulya, boten naming ing kalanganing manungsa utawi sedaya makhluk, nanging kamulyan ing ngarsanipun Alloh ugi. Kados pundit caranipun ?

Junjungan kita Rasulullah saw minangka pemimpin ingkang sanget asih lan tresna dhateng ummatipun, sampun paring pemut sarta paring wasiat kangge kawilujengan, kamulyan sarta inggiling derajat kita minangka umatipun. Wonten ing haditsipun panjenenganipun nerangaken

,إِنَّ أَحَدَكُمْ لَيَتَكَلَّمُ بِالْكَلِمَةِ مِنْ رِضْوَانِ اللهِ مَا يَظُنُّ أَنْ تَبْلُغَ مَا بَلَغَتْ فَيَكْتُبُ اللهُ لَهُ بِهَا رِضْوَانَهُ إِلَى يَوْمِ يَلْقَاهُ.

“Satemene saweneh wong ing antarane sira ngucap kanthi tembung kang dadi ridhane Alloh, dheweke ora nyana menawa tembung iku bisa tumeka apa kang digayuh (dening tembung iku), banjur Alloh nyathet kanggo dheweke karana tembung iku dadi ridha-Ne tumeka dheweke ketemu marang Panjenengane Alloh SWT.” (HR. Ahmad, at-Tirmidzi, an-Nasa’I, Ibnu Hiban saking sahabat Bilal bin Harits v)

Sepisan malih, mangga kita gatosaken wasiatipun Rasulullah saw kasebat, bilih derajad ingkang inggil saged kagayuh kanthi tembung (kalimah) ingkang dipun ridhani Alloh. Kalimah menapa menika ?

Rasulullah saw nedahaken bilih kalimah ingkang dipun ridhani Alloh Ta’ala dipun tanggel saged milujengaken lan ndadosaken kita manggih kabegjan , malah pikantuk derajat ingkang sainggil-inggilipun ing ngarsanipun Allah, inggih menika dzikir dhumateng Alloh. Rasulullah saw ngendika :

أَلاَ أُنَبِّئُكُمْ بِخَيْرِ أَعْمَالِكُمْ وَأَزْكَاهَا عِنْدَ مَلِيْكِكُمْ وَأَرْفَعِهَا فِي دَرَجَاتِكُمْ وَخَيْرٌ لَكُمْ مِنْ إِنْفَاقِ الذَّهَبِ وَالْوَرِقِ وَخَيْرٌ لَكُمْ مِنْ أَنْ تَلْقَوْا عَدُوَّكُمْ فَتَضْرِبُوْا أَعْنَاقَهُمْ وَيَضْرِبُوْا أَعْنَاقَكُمْ. قَالُوْا: بَلَى. قَالَ: ذِكْرُ اللهِ.

“Apa gelem ingsun tuduhake marang sira kabeh bab sabecik-becike amalira, kang luwih resik ing Ngarsane Pangeranira, amalan kang luwih luhur kang bisa njunjung derajatira. Lan luwih becik tumrap sira tinimbang nafkahake emas utawa perak , uga luwih becik tumrap sira tinimbang sira ketemu mungsuhira, banjur sira ngethok gulune utawa dheweke ngethok gulunira?. Para sahabat munjuk, Tentu kemawon duh Rasululloh” Rasulullah saw ngendika , “Dzikir marang Alloh Ta’ala” (HR. Ahmad, at-Tirmidzi, Ibnu Majah lan al-Hakim)

Kita wajib sukur, inggih namung krana hidayah lan taufikipun Allah kita saged tansah dzikir dhumateng Allah.

Pramila samenika gumantung dhumateng kita, menapa kita minangka ummat, minangka bangsa, minangka generasi kepengin tetep ngopeni derajad ingkang mulya lan inggil menika , menapa malah kita boten purun nggape lan boten sadhar /boten mangertosi bilih kita nembe anjlog ing juranging kanisthan, lan karisakan umat utawi bangsa.

Jama’ah Jum’at Rahimakumullah

Boten wonten margi sanes kangge saged nglestantunaken kalenggahan ingkang langkung mulya lan langkung inggil kejawi kanthi syukur dhumateng Alloh, tansah nyukuri nikmating kesarasaning lisan , kanthi mbudidaya ngginakaken kangge ngucap kalimah utawi tetembungan ingkang dipun ridhani Alloh SWT. Nginakaken lisan namung kangge nyebat Asmanipun Alloh, ngathah-ngathahaken dzikir ing pundi kemawon mapan, saengga lambe tansah teles dening dzikir.

Rasulullah saw dipun suwuni priksa dening para sahabat. “Duh Rasulullah, saestunipun syari’at Islam sampun sakelangkung kathah ingkang kedah kula lampahi, pramila mugi panjenengan paring seserepan dhumateng kula, menapa ingkang kedah kula regem terus. Rasulullah saw ngendika,

لاَ يَزَالُ لِسَانُكَ رَطْبًا مِنْ ذِكْرِ اللهِ.

“Ilatmu aja kandeg teles kanthi dzikir marang Allah “ (HR. at-Tirmidzi)

Kejawi menika ugi sanget dipun anjuraken, malah badhe pikantuk satunggaling papan ingkang inggil menawi kta ngginakaken lisan kangge mudzakarah, nyebaraken lan ngudi ngelmu. Alloh SWT paring firman:

يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَدَرَجَاتٍ

“Allah bakal ngangkat wong-wong kang iman ing antarane sira lan wong-wong kang duweni ngelmu kawruh sawetara deajat.” (Al-Mujadilah : 11)

Menawi kita boten saged wicara kanthi tembung ingkang sae, Rasulullah paring solusi utawi cara sanes inggih menika “Menenga1” utawi mendel Jalaran Mendel menika kuwawa ngendhakaken sawenehing tiyang boten kejlungup ing juranging kanisthan /karisakan.

Rasulullah saw ngendika :

مَنْ صَمَتَ نَجَا

“Sapa sing meneng mesthi bakal slamet” HR. Ahmad, at-Tirmidzi, ad-Darimi, Ibnul Mubarak, Ibnu Abi ad-Dunya).

Kanthi mendel kita badhe wilujeng uwal saking juranging neraka, kados ingkang dipun emutaken dening Rasulullah saw. ing haditsipun, “Lan satemene sawijining kawula ngucap tembung kang dilaknat Alloh kang ora digatekake, nganti Alloh nguncalake jalaran tembung iku ing jroning neraka Jahanam.” (HR. Bukhari).

Jama’ah Rahimakumullah.

Saleresipun tembung ingkang boten sae saged njalari kerisakan lan kasangsaran ing donya lan akherat, sedaya wau amargi boten purun ngendhakaken lisan utawi boten saged kendel.

Wonten mriki kula kepengin ngaturaken sawetawis tetembungan ingkang kedah kita singkiri supados kita saged wilujeng saking laknat lan dukanipun Alloh. Ing antawisipun :

Goroh, kanthi asmanipun Alloh, Alloh ngendika,

وَمَنْ أَظْلَمُ مِمَّنِ افْتَرَى عَلَى اللّهِ كَذِباً أَوْ كَذَّبَ بِآيَاتِهِ إِنَّهُ لاَ يُفْلِحُ الظَّالِمُونَ

Lan sapa kang luwih aniaya tinimbang wong kang gawe-gawe goroh marang Alloh, utawa maido ayat-ayate Alloh ?. Satemene wong kang nganiaya iku ora nampa kabegjan”. (QS. Al-An’am : 21)

Maido utawi mlengos saking kitab utawi Sunnah Rasulipun, Alloh paring firman :

وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءتْ مَصِيراً

“Lan sing sapa maido marang Rasul sawuse cetha benere tumrap dheweke, lan ngambah dalan kang dudu dalane wong mukmin, Ingsun uja dheweke nindakake laku kesasare kang wus diantepi, banjur Ingsun lebokake dheweke sajroning Jahanam, lan Jahanam iku sak-ala-alane papan bali.” (An-Nisa : 115)

Nggegujeng utawi nyecenges syari’at Alloh, lan ngece Nabi utawi Al Qur’an, Alloh Ta’ala paring firman:

وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذاً مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً

“Lan temen Alloh nurunake marang sira ing sajrone Al-Qur’an, menawa sira krungu ayat-ayate Alloh dipaido lan diece (dening wong kafir), mula sira aja lungguh karo dheweke, tumekane dheweke ngandhakake liyane. Jalaran satemene (yen sira mangkono), mesthi sira kaya dene dheweke. Satemene Alloh bakal ngumpulake wong-wong munafik lan wong-wong kafir ing jroning Jahanam.” (QS. An-Nisa : 140).

Remen Sumpah Palsu, Namimah (Adu-adu), , Kabar Goroh Lan Nyebar Gegethingan (Fitnah). Alloh SWT paring firman

وَلَا تُطِعْ كُلَّ حَلَّافٍ مَّهِينٍ{10} هَمَّازٍ مَّشَّاء بِنَمِيمٍ{11}

“Lan aja sira niru wong-wong kang akeh sumpahe, lan nistha, lan akeh nenacad kang mrana-mrene nyebar gegethingan.” QS.Al-Qolam: 10-11

وَمَن يَكْسِبْ خَطِيئَةً أَوْ إِثْماً ثُمَّ يَرْمِ بِهِ بَرِيئاً فَقَدِ احْتَمَلَ بُهْتَاناً وَإِثْماً مُّبِيناً

“Lan sing sapa kang nindakake kaluputan, banjur ditudingake marang kang ora luput, mula satemene dheweke wus tumindak goroh lan dosa kang nyata.” (An-Nisa’ : 112)

Ghibah, Gosip, Ngrasani (Nyatur Awon)), Lan Nyana Awon . Alloh SWT. Paring firman

يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ

“He wong-wong kang padha iman dohana sakehe panyana, satemene saperangan panyana iku ngemu dosa, lan sira aja metani kaluputane liyan. Apa sira seneng salah sijine sira mangan daging sedulure kang wus mati. Mesthi sira ngrasa jenes marang dheweke. Lan padha takwa a satemene Alloh Maha Nampa Tobat lan Maha Asih.”( Al-Hujarat : 12)

Kathah wicara ingkang tanpa manfaat, damel sakit manah, tembung-tembung ingkang muspra, gegujengan ingkang saged nyupekaken Alloh, dedolanan kanthi do’a, ngundang kanthi sesebatan ingkang awon, ngombal-ambil barang /kesaenan ingkang sampun kasukakaken tiyang sanes, sedaya wau kalebet ewonipun pocapan utawi tembung ingkang saged njalari kita kejungkel ing juranging neraka. Pramila kita kedah nyingkiri sedaya wau supados uwal saking laknat lan dukanipun Alloh.

Amin ya rabbal ‘alamin.

أَقُوْلُ قَوْلِيْ هَذا، وَأَسْتَغْفِرُ اللّهَ الْعَظِيْمَ لِيْ وَلَكُمْ, إِنَّهُ هُوَ الْغَفُوْرُالرَّحِيْمُ.

Khutbah II

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ وَصَلَّى اللَّّهُ عَلَيْهِ وَسَلَّمَ تَسْلِيْمًا كَثِيْرًا

Jama’ah Jum’at rahimakumullah

Sumangga kita sedaya nyuwun pangayomanipun Alloh saking sedaya rupining lampah awon, lan lepating anggenipun nyukuri nikmating lisan ingkang saged damel risaking badan piyambak utawi umat kita sedaya. Lan sampun ngantos kita ngobral tembung utawi pocapan, jalaran kathah wicara saya kathah lepatipun, langkung-langkung tanpa ngelmu ingkang jangkep. Para ahli ‘ilmu ngendika “ Berilmu sebelum berucap dan beramal” Nggadhahi ngelmu langkung rumiyin saderengipun ngucap lan nindakaken amal .

Nabi saw ngendika :

وَيْلٌ لِلَّذِيْ يُحَدِّثُ بِالْحَدِيْثِ لِيُضْحِكَ بِهِ الْقَوْمَ فَيَكْذِبُ، وَيْلٌ لَهُ، وَيْلٌ لَهُ.

“Cilaka tumrap wong kang crita kang gawe wong-wong padha ngguyu, mangka dheweke goroh, cilaka dheweke, cilaka dheweke.” (HR. at-Tirmidzi, Abu Dawud, lan Ahmad).

وَهَلْ يَكُبُّ النَّاسَ فِى النَّارِ عَلَى وُجُوهِهِمْ إِلاَّ حَصَائِدُ أَلْسِنَتِهِمْ؟

“Apa ana kang bisa njlungupake manungsa kanthi rai-raine (keseret), kejaba saka wohing ilate?” (HR. at-Tirmidzi).

Akhiripun sumangga kita tansah nyuwun pangayoman dhumateng Alloh saking wicara ingkang awon, sarta nyuwun hidayahipun supados kita saged wicara ingkang sae, leres utawi mendel. Mugi Alloh njunjung derajat kita sarta anambahi langkung inggil derajat kita ing donya lan ing akherat. Amin. Ya rabbal’alamin

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَعَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَاغِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ. وَصَلىَّ اللهُ عَلىَ مُحَمَّدٍ وَعَلىَ آلِهِ وَصَحْبِهِ تَسْلِيمًا كَثِيرًا وَآخِرُ دَعْوَانَا أَنِ اْلحَمْدُ لِلهِ رَبِّ اْلعالمين

Alih Basa /Editor : Mbah Djono