Isin Perangan Saking Iman

(Syaikh Muhammad bin Shalih Al-Utsaimin)

Alih Basa : Mbah Djono

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.

يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ
يَاأَيّهَا النَاسُ اتّقُوْا رَبّكُمُ الّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثّ مِنْهُمَا رِجَالاً كَثِيْرًا وَنِسَاءً وَاتّقُوا اللهَ الَذِي تَسَاءَلُوْنَ بِهِ وَاْلأَرْحَام َ إِنّ اللهَ كَانَ عَلَيْكُمْ رَقِيْبًا
يَاأَيّهَا الّذِيْنَ آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا، أَمّا بَعْدُ …
فَأِنّ أَصْدَقَ الْحَدِيْثِ كِتَابُ اللهِ، وَخَيْرَ الْهَدْىِ هَدْىُ مُحَمّدٍ صَلّى الله عَلَيْهِ وَسَلّمَ، وَشَرّ اْلأُمُوْرِ مُحْدَثَاتُهَا، وَكُلّ مُحْدَثَةٍ بِدْعَةٌ وَكُلّ بِدْعَةٍ ضَلاَلَةً، وَكُلّ ضَلاَلَةِ فِي النّارِ

 

Jamaah rahimakumulloh.

Saking Abi Mas’ud Al Badri, piyambakipun nerangaken, ”Rasululloh saw ngendika, ’Satemene ing antarane pocapan kenabian kapisan (Adam) kang ditampa dening manungsa turun tumurun yaiku, ’Menawa sira ora rumangsa isin mula tumindaka apa kang sira karepke’” (HR. Bukhari)

Ing antawisipun rahmating Alloh ingkang kaparingaken dhumateng kawulanipun, inggih menika wontenipun raos isin ingkang tumempel ing awakipun. Wigatosing raos isin minangka panyandhet pakartining manungsa. Jalaran sajatosipun, manungsa mangertosi antawisipun ingkang awon lan sae. Kanthi nalurinipun manungsa badhe ngraosaken isin menawi nindakaken pakarti ingkang boten pantes dipun lampahi. Pramila menika sifat isin mujudaken perangan saking iman. Dene tiyang ingkang boten nggatosaken sifat isinipun, saestu badhe ical imanipun. Pas sanget menawi Imam An-Nawawi ngandharaken, ”Underanging hukum-hukum Islam dumunung ing hadits iki.”

Pangandikanipun Nabi, ”Satemene ing antarane pocapan kenabian kapisan (Adam) kang ditampa dening manungsa wiwit turun-tumurun” kasebat nginggil ngisyarataken bilih pocapan wau mujudaken atsar (landhesan) saking para nabi duk rikala rumiyin ingkang kawarisaken lan tansah dipun wicantenaken dening tiyang saking wiwit jaman rumiyin dhumuginipun jaman samenika. Tegesipun panci kenabian ing jaman rumiyin sampun ngenal pocapan wau lan lan misuwur ing kalanganing manungsa ngantos dumugi ing jaman samenika.

Wedaran kasebat kasangga dening saperangan hadits ingkang nyariyosaken, ”Manungsa-manungsa jaman biyen ora kenal pocapan kenabian kapisan liyane kejaba pocapan iku” (HR Ubaid bin Zanjawaih lan sanesipun).

 Maknanipun sabda Nabi saw, ”Menawa sira ora duwe rasa isin mula tumindaka sakarepmu.” Menika ngemu kalih pemanggih:

Sepisan. Ukara wau boten ateges pikantuk tumindak manut remening manah piyambak, namung ngemu teges panacat lan pepacuh (awisan). Ing ndalem mujudaken pangertosan kasebat wonten kalih cara, inggih menika :

Ingkang setunggal, bilih dhawuh kasebat ngemu teges penget lan inciman. Dados maksudipun inggih menika, Menawa sira ora duwe rasa isin tumindaka apa kang sira karepke”saleresipun mujudaken margi Alloh badhe paring piwales tumindak kita. Kados firman Alloh,

اعْمَلُوا مَا شِئْتُمْ إِنَّهُ بِمَاتَعْمَلُونَ بَصِيرٌ

”Tumindaka apa kang sira karepke, satemene Panjenengane Maha Uninga marang apa kang sira tindakake.” (QS. Fushilat : 40)

Ingkang kaping kalih, bilih dhawuh kasebat ngemu teges pawartos. Tegesipun sinten kemawon ingkang boten gadhah raos isin, piyambakipun badhe nindakaken menapa kemawon ingkang dipun kajengaken. Jalaran saleresipu ingkang nyandhet dhateng tumindak lampah-lampah awon inggih menika raos isin. Tiyang ingkang boten nggadhahi sifat menika (isin), piyambakipun badhe kelem ing salebetipun lampah kasar lan nasar. Lan tiyang kados makaten wau namung saged kacegah menawi piyambakipun nggadhahi sifat isin.

Ingkang jumbuh kaliyan pangertosan menika, hadits Nabi saw , ”Sing sapa nggorohi ingsun kanthi njarag, mula dheweke kudu nyedhiakake papan lungguhe ing neraka”. Lafal hadits menika arupi dhawuh, namung ngemu teges pawartos. Inggih menika tiyang ingkang goroh dhumateng panjenenganipun, mila Alloh sampun nyawisaken papan dunungipun ing neraka.

Kaping kalih. Ukara wau ngemu pangertosan dhawuh kangge nindakaken menapa ingkang dipun pengini jumbuh kaliyan pangertosan ukara kasebat secara zhahiripun. Artosipun, menawi menapa ingkang kepengin katindakaken kalebet lampah ingkang boten perlu karaos isin dipun tindakaken sae dhumateng Alloh utawi dhumateng manungsa krana menika mujudaken sawenehing ketaatan utawi kesaenan utawi akhlak ingkang sae lan kaanggep kasusilan, pramila ing wekdal menika kadhawuhan nindakaken menapa ingkang dipun pengini.

Jamaah Jum’at rahimakumullah

Sifat isin kapantha dados kalih:

1.Sifat isin bektan (gawan bayi) inggih menika ingkang boten kawangun ngliwati lampahing gesangipun (proses hidup).

Menika mujudaken akhlak ingkang langkung utami ingkang Alloh paringaken dhumateng kawulanipun. Krana menika ing satunggaling hadits Nabi saw ngendika, Sifat isin ora njalari apa-apa kejaba kabecikan.” Jalaran sifat wau badhe nyandhet tiyang wau nindakaken lampah-lampah ingkang awon lan nistha sarta nyurung kangge nindakaken akhlak ingkang mulya. Tiyang ingkang nggadhahi sifat isin ingkang kados makaten menika wau saestu badhe mujudaken peranganing iman tiyang wau.

Al-Jarroh bin ’Abdullah Al-Hikani salah satunggaling pahlawan kuda saking Ahli Syam nelakaken, ”Aku ninggalake laku-laku dosa jalaran isin sajrone patangpuluh tahun, kanyata banjur aku nemokake sifat wara.” (ngedohi laku maksiyat).

2.Sifat isin ingkang dipun wangun ngliwat proses (dipun upaya)

Sifat isin menika dipun gadhahi nglangkungi lelampahan (proses) ma’rifatulah (ngenal Alloh) ing babagan ke-Agunganipun, caketipun kaliyan kawulanipun, pengawasanipun dhumateng tingkah-lampahipun kawulanipun, sarta ngelmunipun dhumateng samubarang menapa kemawon ingkang kasimpen ing manahing manungsa. Menika mujudaken perangan iman ingkang langkung inggil, malah mujudaken tataran ikhsan ingkang linangkung inggil.

Jamaah Jum’at rahimakumulloh.

Ing antawisipun kautamanipun sifat isin inggih menika bilih prekawis wau mujudaken sifat ingkang dipun renani dening Alloh SWT. Iman Ahmad lan An-Nasa’i ngriwayataken saking Al-Asyajj Al-’Ashri piyambakipun nelakaken, Rasululloh saw ngendika marang aku, ”Satemene sira nduwe sifat loro kang direnani Alloh” Aku nyuwun priksa, ”Menapa menika? Panjenenganengendika, ”Sifat lemah lembut lan sifat isin” Aku nyuwun priksa maneh, ”Sifat ingkang sampun dangu tumempel ing badan kula menapa ingkang enggal?” Panjenenganipun ngendika, ”Malah sing wus suwe” Aku wicara marang awakku, ” Alhamdulillah Puji pangalembana kagunganipun Alloh, Dzat ingkang sampun nganugrahahken kula kalih sifat ingkang dipun renani Alloh.

Sifat isin mujudaken peranganing iman, kados ing hadits ingkang shahih saking Ibnu Umar ra, bilih Nabi saw nglangkungi sawenehing pria ingkang nacat sedherekipun ingkang nyandhang sifat isin. Tiyang wau wicanten,”Satemene kowe iku isinan, iku bisa gawe cilakamu” Lajeng Rasululloh saw ngendika, ”Nengna dheweke, Jalaran satemene sifat isin iku perangane iman”

Ing hadits sanesipun dipun terangaken :

”Alkhayaa-u syathrul iimaan(i)” Sifat isin iku perangane iman (HR. Bukhari lan Muslim)

Ing hadits sanes nelakaken, ”Sifat isin ora njalari apa-apa kejaba kabecikan” {HR. Bukhari lan Muslim).

Sifat isin nggadhahi pratandha. Bab menika kados dipun gambaraken ing salelebetipun hadits Ibnu Mas’ud ra, ”Isin marang Alloh yaiku menawa sira njaga pikiran kang ana ing sirahmu saka apa kang kasedhot, njaga weteng saka apa kang dikandhut, eling marang pati sarta musibah kang bakal namani; sing sapa kepengin akherat mula becik dheweke ninggalake kumerlape donya. Mula sapa kang nglakoni bab iku, ateges dheweke wus ngambah isin marang Alloh.” (HR. Imam Ahmad lan At Tirmidzi ).

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

Khutbah II

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُفَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ

اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.

Jammah Jum’at rahimakumulloh.

Sifat isin dhumateng Alloh nuwuhaken satunggiling lampah ingkang tansah migatosaken dhateng sedaya nikmat peparingipun lan mangertosi winates lan kekirangan-kekirangan anggenipun nyukuri. Menawi satunggiling kawula sampun kajabel sifat isin saking badanipun sae sifat isin bektan utawi ingkang kaudi nglangkungi lampahing gesangipun, pramila piyambakipun boten nggadhahi malih panyaring kangge nindakake lampah-lampah awon sarta akhlak ingkang asor lan nistha. Salajengipun piyambakipun dados pribadi ingkang babar pisan boten nggadhahi iman.

Kados dipun pratelakaken dening ’Imran bin Husein ra bilih sifat isin ingkang pinuji salebeting pangandika Nabi saw inggih menika akhlak ingkang nggadhahi daya panyurung kangge nindakaken lampah ingkang sae lan nilaraken ingkang awon. Dene karingkihan lan lan kirangipun greged ingkang njalari dhumateng winatesipun ing salebetipun netepi hak-hakipun Alloh sarta hak-hak kawulanipun, saestu menika sanes sifat isin, namung menika mujudaken karingkihan, kekirangan daya-upiya sarta kanisthan.

Mangga kita tansah nyuwun pitulunganipun Alloh mugi kalebetna ewonipun tiyang ingkang pikantuk pitedah. Aamiin.

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ.
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
اللَّهُمَّ إِنَّا نَسْأَلُكَ عِلْمًا نَافِعًا وَعَمَلا مُتَقَبَّلا، وَرِزْقًا حَلاَلاً طَيِّبًا،

رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّار،
وَصَلى الله وسَلم عَلَى مُحَمد تسليمًا كَثيْرًا وآخر دَعْوَانَا الحمد لله رَب الْعَالَميْنَ.