Midherek Lampah Tindakipun Tiyang-tiyang Ingkang Taqwa

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ
يَاأَيّهَا النَاسُ اتّقُوْا رَبّكُمُ الّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثّ مِنْهُمَا رِجَالاً كَثِيْرًا وَنِسَاءً وَاتّقُوا اللهَ الَذِي تَسَاءَلُوْنَ بِهِ وَاْلأَرْحَام َ إِنّ اللهَ كَانَ عَلَيْكُمْ رَقِيْبًا
يَاأَيّهَا الّذِيْنَ آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا، أَمّا بَعْدُ …
فَأِنّ أَصْدَقَ الْحَدِيْثِ كِتَابُ اللهِ، وَخَيْرَ الْهَدْىِ هَدْىُ مُحَمّدٍ صَلّى الله عَلَيْهِ وَسَلّمَ، وَشَرّ اْلأُمُوْرِ مُحْدَثَاتُهَا، وَكُلّ مُحْدَثَةٍ بِدْعَةٌ وَكُلّ بِدْعَةٍ ضَلاَلَةً، وَكُلّ ضَلاَلَةِ فِي النّارِ.

Jamaah Jum’at rahimakumulloh

Ketaqwaan dhumateng Alloh minangka Dzat ingkang ngawuningani sedaya krenteg ing salebeting manah mujudaken prekawis ingkang mutlah. Botenwonten bentenipun tumrap Alloh ing antawisipun ingkang sumimpen menapa dene ingkang cumetha, sedaya wonten ing salebetipun wawasanipun Alloh SWT. Alloh paring firman;

هُوَ الَّذِي خَلَقَ السَّمَاوَاتِ وَالأرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يَعْلَمُ مَا يَلِجُ فِي الأرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيهَا وَهُوَ مَعَكُمْ أَيْنَ مَا كُنْتُمْ وَاللَّهُ بِمَا تَعْمَلُونَ بَصِيرٌ

Panjenengane kang nyipta langit lan bumi sajrone nem mangsa. Banjur Panjenengane lenggah ing sandhuwure ’Arsy. Panjenengane uninga apakang lumebu ing sajrone ati lan apa kang kawetu, lan apa kang tumurun saka langit lan apa kang munggah ana ing ngarsa-Ne. Lan Panjenengan bebarengan sira ana ing ngendi wae sira manggon. Lan Alloh mriksani samubarang kang sira tindakake. (QS. Al-Hadid : 4)

 Jamaah rahimakumulloh

Perlu kita sadari bilih Islam nggadhahi kaidah-kaidah. Kanthi mangertosi kita boten badhe kepleset ing salebeting kalepatan.Ing antawisipun kaidah wau inggih menika nggadhahi hukum-hukum. Kanthi mangertosi hukum-hukum wau, kita boten badhe keblasuk ing salebeting kalepatan. Ing antawisipun tatanan wau inggih menika mawas sawenehing lampah kanthi ningali pituwasipun. Kanthi mangertosi pituwas saking sawenehing lampah pramila kita saged mangertosi hukum lampah kasebat. Saged ugi satunggaling tumindak kalebet mubah (angsal), ananging saged kalebet awisan ngemuti pituwas ingkang awon saking tumindak wau. Sedaya amal ingkang dipun syari’ataken, nanging ngemu pituwas dhateng prekawis ingkang dipun awisi, pramila hukum tumindak wau dados awisan.

Saben tiyang ingkang wantun ngedalakenfatwa nanging boten nggadhahi dhateng kaidahipun, pramila tiyang wau badhe ngedalaken fatwa ingkang nganeh-anehi, lan badhe njalari damel risaking agami. Saben tiyang ingkangnggatosaken, lan naliti tatananing syari’at, temtu mangertosi bilih syri’at sanget nggatosaken dhateng kaidah. Sinten ingkang nyimpang saking kaidah, piyambakipun ateges nyimpang saking tatanan ingkang wonten ing gesang padintenan. Saupami boten wonten tatanan tatanan wau gesanging manungsa badhe kaco, jalaran boten wonten watesan lan tatanan ingkang kedah kajunjung. Tatanan kasebat wigatosipun matesi prekawis ingkang saleresipun dipun kengingaken manut syari’at utawi ngawisi prekawis ingkang sajatosipun boten dipun awisi dening syari’at.

Dados hakekatipun syari’at inngih menika njagi satunggaling prekawis ingkang badhe njalari karisakan.

Alloh SWT paring firman :

وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ

Lan sira aja ngujar-ujari sesembahan kang padha disembah saliyane Alloh.jalaran dheweke samengko bakal genti ngujar-ujari Alloh kanthi ngliwati wates kang tanpa kawruh. Mengkono Ingsun dadekake saben umat nganggep becik apa kang ditindakake. Sabanjure marang Alloh dheweke padha bali, banjur Panjenengane paring kabar marang apa kang biyen padha ditindakake. (QS. Al An’am : 108).

Ngujar-ujari sesembahanipun tiyang kafir saleresipun kenging. Nanging menawi bab kasebat badhe njalari tiyang-tiyang kafir gentos ngujar-ujari Alloh SWT , mila ngujar-ujari sesembahane tiyang kafir kirang prayogi. Saengga ing ayat nginggil pinanggih dalil bilih bilih prekawis ingkang dipun kengingaken saged dados awisan menawi prekawis wau saged nuwuhwken piawon tumrap Islam.

Satunggaling wekdal wonten saweneh tiyang Arab Badui ingkang turas wonten masjid, para sahabat mbudi daya ngendheg kedadosan wau. Nanging Rasululloh saw. Ngendika, ”Wis enengna wae” Para sahabat ugi lajeng ngendelaken tiyang Arab Badui wau ngantos rampung anggenipu turas. Sasampunipun rampung, Nabi saw mundhut saember ageng isi toya kangge nyiram toya turas wau. (HR. Bukhari lan Muslim).

Ing hadits wau Nabi saw ngawisi para sahabat nyegah tiyang ingkang badhe ngregedi masjid, ngemuti wontenipun maslahat ingkang langkung ageng. Saengga ing hadits wau Nabi nyegah bebaya ingkang langkung ageng kanthi milih bebaya ingkang langkung entheng. Rasululloh saw ugi boten ngabulaken panuwunipun Umar, supados piyambakipun dipun idini merjaya Abdullah bin Ubay krana kemunafikanipun ingkang estu-estu cetha. Nabi saw ngendika, ”Supaya wong-wong ora padha crita menawa Muhammad iku mateni sedulure dhewe”(HR. Bukhari, lan Muslim).

Panjenenganipun ugi mbatalaken niatipun kangge mbongkar Ka’bah lan mbangun malih ka’bah salaras kaliyan pondhasi Ibrahim. Nabi ngendika kaliyan Aisyah, ”Menawa ora jalaran wong-wong kafir lagi wae padha mlebu Islam, mesthi kahartakan Ka’bah bakal Ingsun blanjakake ing dalane Alloh. Lan ingsun dadekake lawange Ka’bah rata karo jobin sarta ingsun lebokake Hijr ing sajrone Ka’bah.”(HR. Muslim).

Nabi ugi ngawisi tiyang ingkang nembe pasa langenasmara (ngaras) semahipun menawi piyambakipun boten saged ngendhaleni sahwatipun, krana prekawis wau dipun kuwatosaken badhe njalari tiyang wau nindakaken bab ingkang saged mbatalaken pasanipun inggih menika cumbana (saresmi).

Jamaah Jum’at ingkang dipun mulyakaken Alloh.

Sedaya wau nedahaken saddu dzariah (nyegah margi ingkang damel risak). Alloh SWT paring firman;

وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّوَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ

Lan aja padha njejakake sikile supaya dimangerteni paesan kang didhelikake. Lan padha tobata sira kabeh marang Alloh , he wong-wong kang iman supaya sira nampa kabegjan. (QS. An-Nur : 31)  

Nabi ugi ngawisi para wanita menawi badhe dhateng masjid. Prekawis wau dipun awisi krana badhe nuwuhaken daya tarik para priya. Mekaten ugi Nabi ngawisi wanita ngucapaken tasbih rika kedadosan kalepyan wekdal shalat. Wanita namung dipun parengaken ngeplok kemawon, menika minangka njagi tuwuhipun kedadosan awon ingkang boten dipun kajengaken dening para wanita. Saengga tumindak haram ingkang boten saged kita singkiri kejawi kanthi nebihi sawenehing prekawis, pramila bab kasebat hukumipun haram. Jalaran kala-kala bab wau sami dipun dadosaken minangka sarana lan topeng (alesan) kangge ngesahaken ingkang dipun awisi.

Muhammad bin Al-Hasan nelakaken, ” Dudu akhlake wong Muslim, kang ngedohi saka ketetepane Alloh kanthi reka-daya kang dadi srana kanggo nyingkiri prekara kang diharamamke.”

Rosululloh saw ngendika, ”Sira aja padha nindakake apa kang padha ditindakake wong-wong Yahudi, nganti sira ngalalake prekara kang Alloh haramamke kanthi reka-daya.” (Sanad hadits jayyid dening Ibnu Katsir)

Menawi srana tumindak ingkang haram menika haram, pramila kados pundi tumrap tiyang ingkang ngothak-athik ayat-ayat Al Qur’an lan hadits Nabi kanthi nduwa isi kandunganipun, menapa malih mnawi dipun tindakake kangge ngengingaken prekawis ingkang dipun awisi? Saleresipu musibah ageng ingkang nemahi umat menika, kathahipun dipun jalari nyariyosken prekawis ingkang halal lan ingkang haram namung kanthi akal lan hawa napsu ingkang tanpa ngelmu.

Satunggaling ulama nelakaken, ”Demi Alloh menawa ilatku ndak kethok, iku luwih ndak senengi katimbang ngandhakake bab agama kang aku ora paham.”

Imam Malik nelakaken, ” Biyen para sahabat Nabi saw. Padha kabotan menawa nampa pitakon. Ora ana siji wae kang wani njawab sawijining prakara tumeka dheweke mangerteni kepriyr panemune sahabat liyane bab prekara iku. Mangka dheweke wong-wong kang suci atine, lan tansah nampa pituduh lan tuntunan Rasululloh saw. Banjur kepriye kanggone kita kang kakehan dosa lan nutupi ati-ati kita ?”

,ُأَقُوْلُ قَوْلِي هَدَا وَأَسْتَغْفِرُ اللهَ الْعَظِيْمِ لِي وَلَكُمْ وَلِسَائِرِ الْمُسْلِمِيْنَ مِنْ كُلِّ دَنْبٍ فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْم

Kutbah II

إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.

Jamaah Jum’at Rahimakumulloh, Alloh SWT paring firman

يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ

He, wong-wong kang padha iman , padha taqwaha sira marang Alloh, lan padha bebarenga sira marang wong wong kang bener.” (QS.At-Taubah : 119)

Njagi supados boten nglampahi prekawis ingkang awon, mujudaken marginipun tiyang-tiyang ingkang taqwa. Rasululloh sawngendika,

”Satemene kang halal iku cetha, kang haram iku cetha, nanging ing antarane loro mau ana prekara-prekara kang subhat (mamang) lan akeh wong kang ora mangerteni. Sing sapa njaga awake saka prekara-prekara kang subhat, mula dheweke wus njaga agama lan kehormatane. Nanging sing sapa keblusuk marang prekara-prekara kang subhat, mula dheweke mesthi keblusuk marang prekara-prekara kang haram.” (HR. Bukhari lan Muslim)

Tiyang ingkang akalipun waras, sanes iyang ingkang namung mngertosi prekawis sae lan awon, nanging tiyang ingkang leres-leres nggadhahi akal waras inggih menika ingkang mangertosi ingkang langkung sae saking kalih pilihan ingkang sae, lan ingkang langkung awon saking kalih pilihan saking ingkang awon.

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ.
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
اللَّهُمَّ إِنَّا نَسْأَلُكَ عِلْمًا نَافِعًا وَعَمَلا مُتَقَبَّلا، وَرِزْقًا حَلاَلاً طَيِّبًا،
رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّار،
وَصَلى الله وسَلم عَلَى مُحَمد تسليمًا كَثيْرًا وآخر دَعْوَانَا الحمد لله رَب الْعَالَميْنَ.

 

(Syaikh Shalih bin Fauzan bin Abdulah al-Fauzan)

Alih Basa : Bpk Sardjono