Ngambah Margi Ingkang Lempeng
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ
يَاأَيّهَا النَاسُ اتّقُوْا رَبّكُمُ الّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثّ مِنْهُمَا رِجَالاً كَثِيْرًا وَنِسَاءً وَاتّقُوا اللهَ الَذِي تَسَاءَلُوْنَ بِهِ وَاْلأَرْحَام َ إِنّ اللهَ كَانَ عَلَيْكُمْ رَقِيْبًا
يَاأَيّهَا الّذِيْنَ آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا، أَمّا بَعْدُ …
Kaum Muslimin ingkang dipun rahmati Alloh.
Sumangga kita sesarengan ningkatakan ketakwaan kita dhumateng Alloh SWT.
Emut dhumateng hidayat ingkang nuju shirotol mustaqim (jalan ingkang lempeng mujudaken impen ingkang langkung inggil lan langkung dipun betahaken tinimbang tetedhan, omben lan nafas. Pramila Alloh ndhawuhaken kita kangge tansah nyuwun margi ingkang lurus ing wekdal kawontenan kita langkung sae, inggih menika rikala kita shalat, lan kaambalan makaping kaping salebetipun sedinten sedalu.
إِيَّاكَ نَعْبُدُوَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَ
Namung dhumateng paduka kula manembah lan namung dhumateng paduka kula nyuwun pitulungan. Mugi Paduka nedahaken margi ingkang leres. Inggih menika marginipun tiyang-tiyang ingkang sampun paduka paringi nikmat, sanes marginipun tiyang-tiyang ingkang paduka bendoni, lan sanes ugi marginipun tiyang-tiyang ingkang kesasar. (QS. Al Fatihah : 5-7)
Shirothol mustaqim mujudaken margi ingkang padhang lan boten bengkong. Hidayah nuju margi ingkang leres tegesipun nampi keterangan bab margi ingkang leres, lajeng kaparingan kekiyatan kangge napaki ( nglampahi). Tembung sanesipun : mangertosi kaleresan sawetahipun sarta peprincenipun, ingkang lajeng nuwuhaken kita nggadhahi krenteg kangge midherek kaleresan wau krana lahir lan batin. Lajeng Alloh nyipta badan kita kekiyatan kangge ngamalaken hidayah wau lumantar pangucap, tetembungan lan niat ing manah, lajeng kita teguhaken engga tilar donya (istiqomah).
Alloh kanthi mirunggan paring nikmat kangge tiyang-tiyang ingkang ngambah margi ingkang leres, inggih para nabi, shiddiq, syahid lan sholihin.
Alloh paring firman,
وَمَنْ يُطِعِ اللَّهَ وَالرَّسُولَ فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُولَئِكَ رَفِيقًا
Lan sapa kang to’at marang Alloh lan Rosule, dheweke iku bakal bebarengan karo wong kang kaparingan nugraha nikmat dening Alloh , yaiku para Nabi, para shiddiqin, wong-wongkang mati syahid lan wong-wong saleh. Lan dheweke iku rowang kang sak becik-becike. (QS. An-Nisa ; 69)
Bab menika nedahaken bilih inggih namung nikmat ingkang sampurna ingkang badhe njalari saweneh tiyang nampi kabegjan ingkang langgeng. Inggih mekaten wau nikmat Islam lan sunnah. Nikmat ingkang kaparingaken namung dhateng tetiyang ingkang sami iman.
Alloh SWT paring firman,
الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإسْلامَ دِينًا
Ing dina iki wus ingsun sampurnakake kanggo sira agamanira. Lan wus Insun cukupi marang sira nikmat Ingsun. Lan wus Ingsun ridhoi Islam minangka agamanira. (QS. Al-Maidah : 3)
Dene nikmat ingkang arupi saras, kacekapan kabetahanipun, sisihan ingkang ayu, lan sanesipun, ingkang kasebat nikmat mutlak, menika kacawisaken dhumateng tiyang-tiyang mukmin menapa dene kafir. Karana nikmat wau mujudaken istidroj (musibah) tumrap tiyang kafir ingkang badhe njalari azab lan kasangsaran, pramila kados-kados nikmat wau boten apengaji nikmat namung mujudaken musibah.
Dados, hakekat utawi sajatosipun tiyang ingkang kaparingan nikmat, inggih menika tiyang ingkang mangertosi kaleresan lajeng ngamalaken.
Dene tiyang ingkang dipun bendoni Alloh, inggih menika tiyang ingkang mangertos dhateng kaleresan namung milih nuruti hawa nepsunipun. Dene ingkang katelah tiyang-tiyang kesasar inggih menika iyang-tiyang nasroni, krana piyambakipun bodho boten mangertosi kaleresan.
Mula bukanipun kekafiran saged jalaran saestu boten mangertosi kaleresan lan saged ugi saleresipun kepengin nuju kaleresan namung amalanipun mlenceng saking kaleresan.
Pokok ingkang njalari kekafiran Yahudi inggih menika piyambakipun boten nggadhahi pepenginan nggayuh kaleresan lan ngamalaken. Sarta langkung remen milih sanesipun kaleresan sasampunipun mangertosi kaleresan. Dados kesesatan tiyang Yahudi sajatosipun sanes murni kesesatan.
Wondene pokok kesesatan Nasrani , jalaran panci boten mangertosi kaleresan. Menawi sasampunipun nampi keterangan , piyambakakipun tetep milih kebatilan, pramila piyambakipun ateges memba tiyang –tiyang ingkang dipun bendoni (Yahudi), saengga piyambakipun dados tiyang-tiyang ingkang dipun bendoni ngiras ugi keblasuk (sesat).
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ
Khutbah II
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
Jamaah Jumat rahimakumulloh.
Saking sekedhik keterangan bab tigang ayat pungkasan surah Al Fatihah ingkang kawaos ing khutbah kapisan wau, saged kita pendhet wosipun bilih shirothol mustaqim (margi ingkang leres) mujudaken gegayuhan umat Islam ingkang langkung mulya lan langkung dipun betahaken tinimbang nikmat-nikmat Alloh sanesipun. Shirothol mustaqim menika mergi ingkang padhang lan boten bengkong, ingkang sanget dipun betahaken dening tiyang tiyang ingkang iman.
Panci nikmat Alloh jembar sanget, dipun sokaken dhumateng para kawulanipun sae ingkang iman menapa dene ingkang kufur. Panjenenganipun boten pilih kasih paring nikmat donya menika. Nanging perlu dipun mangertosi bilih nimat ingkang kaparingaken dhumateng kawulanipun ingkang kufur (maido) menika namung mujudaken satunggaling istidroj kemawon dhumateng piyambakipun, ingkang boten badhe kepanggih malih benjang ing akherat.
Wondene kanikmatan ingkang langgeng namung badhe dipun tampi dening para kawulanipun Alloh ingkang sampun kaparingan shirothol mustaqim, saking hidayahipun. Pramila menika mangga kita tansah nyuwun dhumateng Alloh SWT , Dzat ingkang paring pitedah, supados kita katedahaken dhumateng shirothol mustaqim, margi ingkang leres.
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ.
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
اللَّهُمَّ إِنَّا نَسْأَلُكَ عِلْمًا نَافِعًا وَعَمَلا مُتَقَبَّلا، وَرِزْقًا حَلاَلاً طَيِّبًا،
رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّار،
وَصَلى الله وسَلم عَلَى مُحَمد تسليمًا كَثيْرًا وآخر دَعْوَانَا الحمد لله رَب الْعَالَميْنَ.
