Ngajak Ngambah Margining Alloh
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ
اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن.
يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ
يَاأَيّهَا النَاسُ اتّقُوْا رَبّكُمُ الّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثّ مِنْهُمَا رِجَالاً كَثِيْرًا وَنِسَاءً وَاتّقُوا اللهَ الَذِي تَسَاءَلُوْنَ بِهِ وَاْلأَرْحَام َ إِنّ اللهَ كَانَ عَلَيْكُمْ رَقِيْبًا
يَاأَيّهَا الّذِيْنَ آمَنُوْا اتّقُوا اللهَ وَقُوْلُوْا قَوْلاً سَدِيْدًا يُصْلِحْ لَكُمْ أَعْمَالَكُمْ وَيَغْفِرْلَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا، أَمّا بَعْدُ …
فَأِنّ أَصْدَقَ الْحَدِيْثِ كِتَابُ اللهِ، وَخَيْرَ الْهَدْىِ هَدْىُ مُحَمّدٍ صَلّى الله عَلَيْهِ وَسَلّمَ، وَشَرّ اْلأُمُوْرِ مُحْدَثَاتُهَا، وَكُلّ مُحْدَثَةٍ بِدْعَةٌ وَكُلّ بِدْعَةٍ ضَلاَلَةً، وَكُلّ ضَلاَلَةِ فِي النّارِ.
Jamaah Jum’at Rahimakumullah,
Sumangga kita takwa ing ngarsanipun Allah ingkang kanthi saleres-leresipun, krana Alloh SWT namung asih dhumateng tiyang –tiyang ingkang sami takwa lan maringi ganjaran namung kangge amal ibadah ingkang adhedhasar takwa.
Alloh SWT ngutus Rasulipun kanthi mbekta pitedah lan agami ingkang leres kangge para manubngsa kanthi pangajap supados sedaya makhluk nampi hidayah lan ngraosaken kamulyan gesang ing donya lan akherat. Alloh SWT paring Firman
وَمَا أَرْسَلْنَاكَ إِلارَحْمَةً لِلْعَالَمِينَ
Lan Ingsun ora ngutus sira, kejaba supaya minangka rahmat tumrap kabeh alam” (QS Al Anbiya : 107)
Ing antawisipun sifat ingkang Alloh paringaken dhumateng makhlukipun ingkang pinilih (Muhammad) inggih menika “dakwah”. Alloh SWT paring firman ingkang artosipun :
يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا
“He Nabi, satemene Ingsun ngutus sira kanggo dadi seksi, lan aweh kabar gumbira sarta aweh pepeling” (QS. Al-Ahzab : 45)
Malah dakwah mujudaken wasiyat sedaya rasul kangge para pandherekipun. Nabi saw ngendika dhumateng Muaz bin Jabal ra.hu, “Satemene sira bakal nekani kumpulane ahli kitab, mula becike kang sepisanan sira dakwahake marang dheweke yaiku ora ana sesembahan kang luwih hak disembah kejaba Alloh, lan ingsun minangka utusane Alloh” (HR. Bukhari lan Muslim)
Ing ngandhap menika sawetawis prekawis penting ingkang gegayutan kaliyan dakwah :
Sepisan, amal ingkang linangkung sae ing ngarsanipun Alloh inggih menika pambudidaya ingkang tumemen kangge milujengaken manungsa saking pepeteng tumuju pepadhang (hidayah). Krana menika pangucap sawenehing Da’i mujudaken saksae-saening pocapan midherek timbanganipun Alloh.
Alloh paring firman ingkang artosipun,
وَمَنْ أَحْسَنُ قَوْلامِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ
”Sapa kang luwih becik kandhane katimbang wong-wong kang ngajak marang Alloh, nindakake amal shalih lan munjuk, Saleresipun kula kalebet tetiyang ingkang pasrah” . (QS. Fushilat : 33).
Saben amal ingkang katindakaken dening tiyang ingkang nampi hidayah saking kita, pramila kita ugi badhe nampi ganjaranipun. Minagka conto, inggih menika Abu Bakar ra.hu ndadosaken Utsman bi Affan lumebet Islam lan Utsman nyawisaken sedaya kabetahanipun pasukan ing perang Tabuk. Lan tiyang-tiyang ingkang tumut perang Tabuk, nampi ganjaran ingkang matikel tikel, Nabi saw ngendika,
”Sing sapa nuduhake marang kabecikan, kanggo dheweke nampa ganjaran kaya dene ganjarane kang nindakake”. (HR. Muslim).
Kaping kalih, kirangipun fasih ing ndalem wicanten boten mujudaken alangan kangge nindakaken dakwah. Nabi Musa kalebet Nabi ingkang angel ngendika, pramila panjenenganipun nyuwun dhumateng Alloh supados dipun icalaken saking kekiranganipun, kanthi munjuk :
وَاحْلُلْ عُقْدَةً مِنْ لِسَانِي يَفْقَهُوا قَوْلِي
”Lan mugi kaicalna kakuning ilat kula. Supados piyambakipun sami mangertos tetembungan kula” ( QS. Thaha : 27-28).
Kaping tiga, dakwah boten winates ceramah ing mimbar, krana dakwah menika mawarni caranipun.. Suka nasehat dhumateng tiyang kanthi sesidheman ugi kalebet dakwah. Bapak/tiyang sepuh mulang wuruk putranipun ugi ibadah. Ambiyantu lan nggampilaken margi-marginipun dakwah ugi kalebet dakwah. Kanthi pangertosan mekaten wau, sajatosipun sedaya kekiyatan masyarakat saged dados paraga dakwah sae kanthi bandhanipun, tenaganipun , seratan lan lisanipun.
Kaping swekawan, dakwah kedah midherek utawi ngambah marginipun para nabi, ingkang kapisan dipun dakwahaken para nabi inggih menika aqidah ingkang leres. Sampun ngantos ngucemaken dakwah jalaran nindakaken maksiat.
Kaping gangsal, sampun dados sunnatullah, kanyatan bilih gunggunging tiyang ingkang maksiat langkung kathah sanget katimbang tiyang ingkang taat. Allah paring firman,
وَإِنْ تُطِعْ أَكْثَرَ مَنْ فِي الأرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلا الظَّنَّ وَإِنْ هُمْ إِلا يَخْرُصُونَ
ingkang artosipun, ”Lan menawa sira manut ombyaking wong akeh kang ana ing bumi iki mesthi dheweke bakal nasarake sira saka dalane Alloh. Dheweke ora liya mung nuruti karepe dhewe, lan dheweke ora liya mung goroh marang Alloh. (QS. Al An’am : 116).
Kaping enem , Sampun ngantos ndadosaken kathahing tiyang ingkang nampi dakwah minangka pratandha kasilipun dakwah. Jalaran kangge mbikak manah menika wewenangipun Alloh. Tugas pendakwah namung nerangaken lan ngemutaken, boten wenang asung hidayah lan ngewahi manahing tiyang.
Nabi saw. paring pangandika, ”Ingsun dituduhi sawernane umat, mula ingsun meruhi sawijining Nabi bebarengan karo sakumpulane wong, Sawijining Nabi bebarengan karo wong siji utawa loro, lan saweneh Nabi kang ora duwe pandherek wong siji-sijiya.”.
Kaping pitu, sampun ngulur-ulur wekdal kangge ngandharaken pesan-pesan dakwah ing saben wekdal lan kalodhangan. Saged kedadosan saktembung ingkang kita ucapaken saged njalari tiyang badhe nampi kabegjan utawi kita nampi kabegjan krana piyambakipun saklaminipun. Nabi Nuh dakwah dhumateng kaumipun siang dalu dangunipun matahun-tahun. Sanajan wonten pakunjaran Nabi Yusuf ugi tetep nampi tauhid,
Kaping wolu, kita do’a-aken tiyang ingkang kita dakwahi tanpa mangertos piyambakipun. Kathah do’a ingkang tulus ing tengahing dalu saged njalari kawontenan ewah lan dados saya sae. Al Muzani nelakaken , ” Abu Bakar langkung pinunjul saking para sahabat sanesipun, boten jalaran saking pasa lan salatipun, ananging krana menapa ingkang wonten salebeting manahipun, inggih menika raos tresnanipun dhumateng Alloh lan pepenginanipun kesaenan tumrap tiyang sanes.
Kaping sanga, lampah kesaenan dhumateng ngasanes, sarta wicara ingkang ngresepaken sarta akhlak ing pinuji mujudaken pandudut raos kasengseming manah. Nabi saw sawenenehing Da’i ingkang alambaran akhlak lan tindakipun. Ibnul Qayyim nelakaken, Syaikhul Islam Ibnu Taimiyyah mujudaken tiyang ingkang tumemen nyekapi kabetahanipun kaum muslimin.
Kaping sedasa, ketaatan dhumateng Alloh mujudaken cahya pepadhang ingkang dumunung ing salebeting dhadha, saged anjalari tiyang sanes nanggapi ajakan kita, pramila mangga kita ngathahaken lan njagi ibadah kita dhumateng Allah jalaran ibadah menika saksae-saening srana kangge maujudaken menapa ingkang kita gadhang. Mangga kita kathahaken emut dhumateng Alloh, maos Al Qur’an nindakaken shalat ing sepining dalu
فَاسْتَبِقُواْ الْخَيْرَاتِ أَقُوْلُ قَوْلِي هَذا أَسْتَغْفِرُ اللهَ إِنّهُ هُوَ الْغَفُوْرُ الرّحِيْمِ
Khutbah II
إِنّ الْحَمْدَ ِللهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ وَصَلَّى اللَّّهُ عَلَيْهِ وَسَلَّمَ تَسْلِيْمًا كَثِيْرًا
Jamaah Jumat rahimakumullah
Ing khutbah ingkang kaping kalih menika kita ambali ngajak dhumateng badan kula piyambak, insya Alloh ugi dhumateng jamaah sedaya, sumangga kita tansah njagi ketaatan lan ketaqwaan dhumateng Alloh SWT ingkang saleres-leresipun, nindakan sedaya dhawuhipun lan nebihi awisanipun, sarta mbudidaya ngajak dhateng ngasanes kangge ngambah ing marginipun Alloh SWT. Tansah emut dhumateng nikmat peparingipun Alloh
Kanthi ngathah-ngathahaken emut dhumateng Allah pramila manah kita badhe saya bening, manah ingkang suci, bening badhe njalari tiyang sanes kepranan dhumateng menapa ingkang kita dakwahaken inggih menika ngumawula namung dhumateng Alloh, lan midherek sunnah Rasulipun. Kosok wangsulipun manah ingkang buthek, ingkang sakit saged ndhatengaken bebaya tumrap badan kita piyambak, ugi dhumateng tiyang sanes. Mugi Alloh tansah paring hidayah innayah dhumateng kita sedaya, mbikakaken manah kita tansah tumlawung dhumateng lampah ing margi ingkang dipun ridhai Alloh Ta’ala . Amin ya rabbal ’alamin.
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ.
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ. وَصَلىَّ اللهُ عَلىَ مُحَمَّدٍ وَعَلىَ آلِهِ وَصَحْبِهِ تَسْلِيمًا كَثِيرًا وَآخِرُ دَعْوَانَا أَنِ اْلحَمْدُ لِلهِ رَبِّ اْلعَالمَِينَ.
Alih Basa / Editor : Mbah Djono
